عايز أتجوز
البوست ده حقيقى و مش هزار
أنا نازل مصر (القاهرة) إن شاء الله فى رمضان اسبوعين تلاته و بدور على عروسه
لو بنت لقت فى نفسها أو تعرف واحده فيها الشروط اللى مكتوبه تحت دى و نفسها تتعرف عليه فده حايسعدنى جدا
أنا عمرى فى حياتى ما كنت اتخيل إنى اوصل انى ادور على مراتى بالطريقه دى
بس الظروف محتمه عليه إنى اعمل كده
و كده و الا كده فى الزمن ده بقى صعب أوى فى مصر إن الواحد يتعرف على واحده بطريقه طبيعيه
و فى النهايه الزواج قسمه و نصيب و الا إيه
و الله الموفق
أنا عارف موضوع الشروط دى حاجه سخيفه
بس علشان يسهل العمليه حبتين
و كلمه تكون مش معناها لازم معناها يستحب
الشروط:
1)تكون طيبه و بتحب الخير
2)تكون مثقفه و مهتمه بالفنون المختلفه و بتعشق الموسيقى و الأفلام الأجنبيه
3)تكون خريجه مدرسه اجنبيه و تجيد لغه اجنبيه بطلاقه
4)يكون سنها مش أكتر من 26 سنه
5)يكون شكلها مقبول
6)يكون وزنها مش أكتر من 75 كيلو
7)يكون طولها مش أكتر من 180 سم
8)يكون اهلها طيبين
9)تكون مصريه
10)تكون بتعرف ربنا
اللى نفسها تتعرف عليه يا ريت تراسلنى عن طريق البريد الالكترونى
walladshab@hotmail.com
و اللى تحب تتعرف عليه أكتر قبل ما تراسلنى ممكن تقرا ايجيبت طظ
و شكرا
ولد شاب
28 comments:
أنا قريت مرة هنا انك حصلك حادثة لما كنت بتعدى الطريق واتكعبلت فى حبل رابط بين عربيتين ماشيين. أنا مش عارفة البوست ده حقيقى واللا انت كنت بتتكلم عن حد شفته, لكن أنا حصلى كده بالضبط.
وكمان انت أول واحد عربى ألاقيه كاتب عن
burial
من باب الالتقاء الالكتروروحى ده ممكن أقولك ع الحل اللى انت واخد بالك منه بس مطنش.
الحل بسيط. مادمت عايز تتجوز حد بتنطبق عليه حبة شروط , خد الشروط دى اديها لمامتك. وهيا هتجوزك
صح جداا
ادي الشروط دي لمامتك أو أختك أو معارفك البنات و همه يعرفوا يفيدوك أكتر .. خصوصا و إن مسألة الطيبة و حب الخير و الثقافة إلخ الصفات الكويسة ، فهتلاقي كل واحد شايف في نفسه كده بصرف النظر عن هوه إيه حقيقة . الواقع أجدى من النت في الأمور دي خصوصا لشاب لسه في بداية مشواره و محتاج واحدة تقضي معاه عمر و تبقى أم أولاده و يكمل معاها حياة، بس انت حاول تدور صح
صحيح
يظهر انها حالة عامة .. ممكن تقرا هنا ، واحدة بتدور هيه كمان ، و مشترك ما بينكم شرط إجادة اللغة الأجنبية !!! بصراحة أول مرة أشوف الشرط ده عندكم انتم الاتنين :) ففي توافق من نوع ما
http://marwarakha.com/?p=4142
يعم اللي عندها الشروط دي زمانها اتجوزت و شبعت جواز
عموما ربنا يوفقك :D
أنا أمى فعلا شافت بعض البنات فى محيط الأهل و الأصدقاء بس يتعدوا على صوابع الأيد الواحده و زوقها مش زى زوقى فقولت أعمل انا برضو دورى و أدور بنفسى أنا كمان
انا عايزه عريس مدونه جامده
www.ayzaarees.blogspot.com
اولا دى مواصفات سكرتيرة مش عروسة وزوجة دى وادحدة بتقدم على وظيفة وداخلة على انترفيو ويا تتعين يا ماتتعينش ثم فين مواصفات حضرتك مش جايز هى مش يعجبها شكلك ولا طولك ولا وزنك ولا انت شايف من وجهة نظرك ان انت اكيد هتعجبها؟
اسمحلى اللى عندها كرامة وحتى لو كانت بتدور على عريس عن طريق النت ماعتقدش انها هتقبل بالشروط العجيبة دى هى كمان بنى ادمة ومن حقها تقبل بشروطها هى كمان ماهى بقت مسابقة
Anonymous
ليه الناس بقت حساسه و منفسنه بالطريقه دى
فين مواصفات سكرتيره دى؟
دى بعض الخطوط العريضه لتوضيح البنت اللى بدور عليها موجوده فى أى اطار
هو أنا قولت حتتجوزنى على الأنترنت؟
ما هى حاتشوفنى و أنا حاشوفها
ممكن اعجب بيها و هى لأ
و هى حره تقول لأ
هو الجواز بالعافيه؟
و كرامه أيه و مش كرامه أيه اللى احنا بنتكلم عليها هنا
ما هوه الكلام ده اللى بيخلينى اهج من مصر تانى
قال مسابقه قال
بصراحه أنا عاوز بنت متفتحه ما تقولش الكلام ده و ما بتفكرش بالطريقه المتفوقسه دى
فين الشروط العجيبه دى
هو أنا قولت لازم تكون بشعر ازرق و تكون بتعرف تعمل محشى ورق توت و تتكلم جابانيز؟
اهلا و سهلا
بنات مصر ترحب بك
(بص يابرنس)
واضح أنك أقتنعت بوجهة النظر اللى أتكلمنا فيها فى البوست اللى فات ، ومش عايز أكررلك طبعا حادثة رياض المصرى اللى قتلته مراته الالمانية ووو الخ أكيد أنت عرفت الكلام ده كله.. مما يستلزم الفرار من المشكلات الناتجة عن الإنخداع والإختلاف الثقافى ولو ليك فى الأجانب المسلمين بالأصل فمفيش مانع برده
أولا / الفترة اللى أنت نازل فيها مصر دى قليلة جدا جدا عشان تختار عروسة بنفسك ، وبالتالى يإما تختار أنسب واحدة من اللى السيدة والدتك رشحتهملك ، يإما تطول مدة مكوثك فى مصر وتختار من النوادى والأماكن الإجتماعية الراقية اللى هتلاقى فيها النوعية اللى بتدور عليها وممكن تحصل قصة حب بس صدقنى مش كل حواديت الحب بتبقى صافية دايما ، لازم فى يوم من الأيام تعكرها مشكلات الحياة وحب ماقبل الزواج ماهو الا متعة زائفة فى عقل وعين المحبين لو كانت صادقة لما زالت مع أول مشكلة مادية أو خلاف يجرى بين الطرفين
ثانيا / الاوصاف اللى أنت حاططها فيها شئ من عدم تحديد الاولويات يعنى بتعرف ربنا دى رقم واحد عشان تريحك لانها لو مبتعرفش ربنا ،هتقرفك أخر قرف والمفروض الصفات الأخرى زى مقبولة وحسنة المظهر ولائقة بدنيا من حيث الطول والوزن تكون فى مرتبة تالية بعد الطيبة والاهل وحب الخير ..دى مواصفات الأنسانة الأساسية أما بقى المواصفات الإضافية اللى انت طالبها كاللغات والمدارس الأجنبية فهى كمى يلى
ثالثا / المواصفات الإضافية دى لازم بتوضح انك طالب فئة معينة او شريحة محددة من البنات فى مصر اللى هما خريجى المدارس اللغات ومحبى الثقافة والفنون وخلافه ودول مش ممكن تلاقيهم كده على الإنترنت لانهم لامؤاخذة بيبقوا مضروبين قلم فى نفسهم جاااامد قوى محسسهم انهم فوق الناس وأحسن منهم وبيبقوا متطلبين قوى لشروط فى العريس تعجيزية للشريحة الكبرى من لشباب وبالتالى بيخللوا حمب أمهاتهم فى بيوتهم . لو لقيت النوعية دى على النت هيكون فيها عيب ما كأن تكون كبيرة فى السن او تخينة قوى او أرملة ولديها أبناء مثلا الخ .. على العموم ربنا يوفقنا ويوفقك لما فيه الخير دوما وخد ده دور فيه لحد ماتيجى
Http://www.Muslims4Marriage.com
بعد اذنك انا قريت مقاله الشات الروليت و لسه مش فاهم فين لنك الموقع ده ؟؟؟
khosara, malaksh fi el tayeb naseeb :D
But seriously, be careful of what you wish for. What if she is 150 cm and 75 kgs! Too short and too heavy! Or what if she is 180 cm and like 50 kgs! too skinny.
Seriously, good luck hunting. Because all the things you want are highly relative.
And I had to be anonymous. But you can call me Sarah
محمد أسامه
chatroulette.com
osama lol hhhhhhh 3'aby awi
zaky ya Anonymous ;)
أسمحلى انت تعبيراتك زفت و كلامك أبيح جدأ و أخرك تتجوز بهيمه و هى الخسرانه كمان يا اخى أحه يا نغة بابا
that's Hilarious.
the last line
و اللى تحب تتعرف عليه أكتر قبل ما تراسلنى ممكن تقرا ايجيبت طظ
so now girls want to read your blog to see who you are...the first post they read is....
بنت متناكة
بعد ما كل محاولاتى فى الغربه ما باءت بالفشل...من ضرب عشره إلى نيك صناعى قررت الزواج
not a very good start, eh ?
by the way, the last comment is mine , the one before that is not.
and i wish you all the luck...
فعلا عندك حق
بدايه مش مبشره بالمره
(:
ضحكتنى و أنا ماليش نفس
اقولك علي حاجة
بلاش حكاية تتعرف عليا اكتر عن طريق قراية المدونة
لأن كده مش حتكون محترمة خالص والبداية حتبقي سودة
مش عشان انت غير مهذب او مش متربي
لأ
عشان انت اسلوبك شاخر مش ساخر
بتقول احا علي كل حاجة مش عاجباك وده دليل علي ايجابيتك
واسف لو كنت اتكلمت بالفاظ مش ولابد بس انا متابع مدونتك من زمان وعجباني
صحيح عكننت علي ابويا في بعض الحاجات لكني لقيت نفسي بموت من الضحك في حاجات كتيييييييييييييير
اتمني لك كل التوفيق بس بلاش موضوع الجواز علي طريقة السيكرتيرة ده
استقر في مصر وصدقني حتلاقي الحب بيجيلك لحد عندك
حتوصل لمرحلة بعد كده تضرب فيها نفسك باوسخ جزمة
طب شيلت الصورة ليه ؟ ورينا نفسك
هوا غالباً المثقفة بتبقى قبيحة والجميلة بتبقى بلهاء، هل ممكن تتنازل عن درجة معينة من الجمال أو العقل لو قفلت خالص؟؟
هوا ده السؤال وربنا يكرمك إن شاء الله وتلاقي اللي تسعدك وتسعدها
عندي فضول بس أعرف
جالك كم إيميل ردا على الطلب لحد دلوقت؟
:))
طب مدام كده كده عايز تشوف واحدة في خلال أسبوعين اللي حتبقى موجود فيهم طب ما تشوف اللي والدتك محضراهم لك؟ هو الصالونات سخيفة آه بس مفيش فرق بين إنك تتعرف على واحدة من المدونة وتشوفها في الفترة دي وإنك تشوف واحدة من طرف والدتك برضو في الفترة دي.
ما هو ده اللى أنا برضو حاعمله إن شاء الله يا
Wild at Heart
انا مش عارف يعني الناس اللى بتتريق والناس الىل بتهاجم بتعمل كدة ليه هوا انتو اللى هتتجوزوا ولا هوا اللى هيتجوز
حاجة غريبة بجد يعني
كمان هوا ايه العيب انه يقول للبنات اللى عايزة ترتبط بيه يقروا المدونة هوا اللكام اللى في المدونة ده مش كلنا نفسنا نقوله ومبنقولوش ... هوا احنا كدة بنحب المظاهر ونبين اننا كويسين وكلنا مكبوتين وعندنا امراض نفسية
وبالمناسبة يعني كل الناس عندها امراض نفسية ده مش حاجة عيب ولا ده معناه ان الناس مجانين المرض النفسي زي العضوي فيه منه اللى زي البرد وفيه منه اللى زي السكر
توكل على الله يا عم بس حدد اولوياتك فعلا
allah slave
شكرا على التعليق ده
كنت محتاجه بصراحه
التعليقات حاسستنى إنى اكنى عملت جريمه
و إن البلوج قذر و أنا وسخ
مش عارف
يا جماعه البلوج أنا و مش أنا
فى العالم الحقيقى أنا إنسان عادى زى الناس التانيه باحترم نفسى و الآخرين
فى العالم السايبارى أنا الشخص الحقيقى اللى الناس فى العالم اللى بره مش شايفاه
مش معنى أنى مزيف فى العالم الحقيقى
بس سيبونى اطلع فى البلوج بتاعى اللى فى نفسى من غير حدود
و إلا يبقى مالهوش معنى ادون بقى
و ما هو معظمنا كده و الا ايه
من بره هلله هلله
و من جوه يعلم الله
بصراحه ما حابيتش احط اولويات لاحسن يقولوا ده عاوز سكرتيره
و برضو قالوا عاوز سكرتيره
يله نقول إيه بقه
لما نشوف البنات
و الله الموفق
و رمضان كريم
I'm the the anonymous who wrote (hilarious ).
listen I didn't mean to offend you .
in fact, I wanted to encourage you, but I couldn't escape the funny side of it.
listen, you seem like a frank person, someone who just speak his mind.
and that' s fine anywhere in the world.
in Egypt is not
the norm there is lying .
everybody lies .
it is totally fucked up, I hated it and I had to go.
couldn't take it.
they don't care about the way you think or what you read..etc. they care about the jeans you wearing or the car you driving , absolutely appalling.
if you want to fit right in the game, you have to learn to lie.
if you don't , then best is to marry from Germany.
and by the way, I like that whatever I write here , get published straight away , without having to be reviewed by yourself.
Post a Comment