الو...الو...هل تسمعنى؟

اهلا و سخسخ بيكم فى حلقه جديده مفيده من برنامج فن طيز يا نصر
انا تهانى و انا مانى و معانا النهارده تانى الفنان الفانى ... تا تا تا تاااان... الفنان المبدع...تا تا تا تااااان... الفنان اكراااااااااام
وحشنا... اخبارك ايه... عامل ايه... بتعمل ايه... و نستفتح بتليفون و نقول الو... الو
الو... الو... الو
ايوه...احمد؟... ايوه يا احمد
الو... الو... الو... تيك
يظهر ان الخط قطع
الو
معانا مدام سهير على التليفون... ايوه يا مدام سهير
ايوه... الو
احنا سمعينك يا مدام سهير... اتفضلى
احنا ااا سمعينك يا ااا مداااام سهير... اتفضلى
مدام سهير... ممكن توطى التلفزيون شويه
مداااام سهير... ممكن توطى التلفزيوووون شويه...................حاضر
مدام سهير؟... الو
مداااااام سهير؟؟؟؟... ااااالووو... تيك
يظهر ان الخط اتقطع... يا ريت يامدام سهير تحاولى تتصلى بينا مره تانيه
المخرج بيقول معانا احمد على التليفون ... الو يا احمد
الو
ازيك يا احمد
انا مش احمد... انا الهام
ازيك يا الهام
الحمد لله
عامله ايه النهارده يا الهام
عامله مسقعه... انا بحب البرنامج الجميل ده... و حضرتك من المذيعيين اللى بحب اتابع برامجهم
الله يخليكى... تحبى تقولى ايه للفنان اكرم
احب اقول له انى انا دخلت الفيلم بتاعه ... دا فيلم بصراحه زفت خالص و هو كان فيه اساسا مش... تيك
يظهر الخط قطع... نرجع تانى مع الفنان الجميل اكرم... عاوزين بقه نسألك عن استعدادك النفسى للدور الصعب اللى انت قدمته للجمهور الصيف ده... يعنى كان عندك طقوس خاصه مثلا قبل التصوير .. و الا كان... مييييين... طب ناخد تليفون... الو
ال... الو... ازيك يا مدام تهانى
انسه لو سمحت... استاذ؟... استاذ شريف؟
ايوه... انا احب اهنى حضرتك على البرنامج التحفه ده
الف شكر... تحب تقول ايه للفنان القدير اكرم
انا فى الحقيقه مش عاوز اقول له حاجه... انا عاوز اقول لك انى من اشد المعجبين بيكى... و بطريقه حوارك مع الضيوف... و بالذات التيووور اللى انتى لبساه النهارد... تيك
الو... استاذ شريف... الظاهر الخط فيه مشكله
نرجع تانى مع عاشق الفن السابع الفنان ال... الو
ايوه... انا فاطمه
ازيك يا فاطمه
انا فاطمه
ايوه... ازيك يا فاطمه... عامله ايه
الو... انا فاطمه... الو
فاطمه... احنا سمعينك هنا فى الاستوديو
انا فاطمه... الو... انا فاطمه... انا فاط... تيك
الو... اظاهر... الظاهر ان فاطمه ما كانتش سمعانه كويس
اكرم... احنا عاوزين بقه نعرف ايه اكتر اشاعه مقطعيه دايقتك... بس ناخد قبلها تليفون؟... الو
اعلوع... اعلوع... ايوع
ايوه مين؟... مين معانا؟
انا البعبع... تيك
ياى... بعبع... عفريت... خوفتنى... اكرم... ما تخافش عليه ... انا متماسكه... نرجع لموضوعنا احسن... معانا تليفون؟... طيب... الو
الوالوالوالوالوالوالو
ايوه... طب براحه علينا
الوالوالوالوالو... انا اول مره اتكلم فى التالافازيوم
برافو... مبروك... بس حضرتك فى الواقع بتتكلم فى التليفون ميش فى التليفزيون
نياه... نياه...نياه... يا ظورفك يا مذيعه.. طب بجد بقه... انا اول مره اسمع صوتى فى التالافازيوم... ايه رأيك فى صوتى... مش انفع ابقى...تيك
ايه الناس الغريبه اللى بتكلمنا النهارده دى
الو
اده؟... معانا حد على التليفون
الو...انا مش مصدق نااااافسى خااااالص ماااالص...مين... فنانا الكبير اكرم... فنان العالم ... فنان القرن... الفن كله فيه... ياى... قمر... بينطق... شكلك... شعرك... بوقك... مناخيرك... كلك على بعضك عسل.. ياى... عسل سكر نباتى... ياى
مين معانا
انا هيثم... تيك
اكرم...تعاله نرجع لوراااا... لايام زمان... مش زمان اوى يعنى.. ما تخافش مش عاوزه اكبرك... كان مين مثلك الاعلى؟... بس قبل ما تجاوب على السؤال ده .. معانا متصل من الخليج الشقيق ... الو
الو... الله يعافيكى... اجدر اتجلم مع فنانا الكبير الجدير اجرم
طبعا تقدرى... هوه معاكى
اجرم... اجول لج انج جمجا جنقج جمت و جمنت... جلا جلا... جوجا جهولجا
ممكن من فضلك تعيدى السؤال تانى
جول جال ججاجا... جوجو... جابا بولجا
بصراحه مش فاهمين منك حاجه خالص من اللى بتجوليه... جصدى اللى بتقوليه
اكرم... تليفون؟... طب الو
الووووه... ايوه... ايوه يا اختى... بصى بقه يا ختى... انت فاكره نفسك مذيعه... وحطالى الاصفر و الاخضر على وشك يا خطافه الر... تيك
نكتفى بهذا القدر من الاتصالات و نعود بعد الفاصل... ما فيش فاصل؟...و لا اعلان حته؟... طب نكمل ... الو
الو
ايوه؟
مين معايا؟
مين معايه؟... انت على الهوا
انا عالهوا... طب مش كنت تقوليلى ... كده ممكن اخد برد
شوف يا اكرم لما الناس تفتكر نفسها عندها روح الفكاهه... ايه يا كمال.. ما تشوف الناس اللى عندك فى الكونترول... اكرم...ازيك... مشرفنا و الله... نسيناك يا اكرم... انا بحب الفنان يبقى قاعد وديع و مسالم كده زيك... انا عارفه ان صوتك يجنن... ايه رأيك تسمعنا حاجه كده النهارده... ايه؟... لأ يا كمال... انا مش حاخد تليفون دالوقتى... انا تعبت... مش عارفه امشى البرنامج... اللاه... كفايه تليفونات يا اخى... دوشتونى... اتخنقت... ايه؟... مش حاتدينى اجر الحلقه دى؟... طب نقول الو...
لولو... لولو... لولو
كنترول... اقطع من فضلك... اللى بعده... نقول الو
تهانى و انا مانى... حبيبه روحى...وحشتينى
ماما؟
لأ
نونى؟
لأ
طب بابا؟
حزرى فزرى...ابقى ميييين؟... انا الاستاذ شريف
كات كات ... اقطع اقطع
لأ بقه.. المره دى مش حاسيبكم تقطعوا عليه
اقطع
ممكن لو سمحتى رقم الموبايل... و لو ينفع رقم البيت علشان الكريديت بتاعى خ... تيك
اكرم...الوقت جرى معاك بسرعه اوى يا اكرم... تحب تقول بقه ايه للمشاهدين فى اخر الحلقه و الجماهير كلها اللى بتحبك... و الا اقول لك... ما تقولش حاجه خالص... كفايه انا اللى اتكلم
الو
كمال... انا بقفل البرنامج... مش معقول التليفونات لسه شغاله
الو
اعزائى المشاهدين... كنا اليوم مع
الو ... الو
اخرس... اعزائى المشاهد...عزيزى المشاهد... كنا ... اليوم... مع
الو ... الو... الو
المشاهد... المشاهدين...لخبط... تانى... كنا ... اليوم... مع الفنان اكرم فى...
الو
يلا اطلع بالتتر
الو... الو... هل تسمعنى؟