روحت خروجه مع صاحبتى الانتيم و صحباتها التانيين لسبكترا كافييه...و طول ما همه كانوا عمالين يرغوا كنت ببص على اتنين كبلز حلويين فى الترابيزه اللى ادامنا...شكلهم مخطوبين...و كانوا جايبين براونى اون ايس و هي كانت بتأكله بالمعلقه فى بقه...و لما بقه يتلحوس شكلاته كانت بتمسحها بصباعها و هو بيتضحكلها...مروه صاحبتى كانت كل شويه بتسألنى أنا سرحانه ليه و أقولها ما فيش حاجه...بس كان فى حاجه...حاجات كتير فى الحقيقه...كنت متدمره من جوه...كنت باسأل نفسى كتير... يا ترى ليه أنا طلعت كده...ده أنا قربت على التلاتين سنه و عمر ما ولد كان مهتم يتكلم معايه...اكيد كان فى ولاد بتتكلم معايه بس علشان يسأل عن مواعيد الامتحانات أو السكاشن أو يصور ورق منى...صحباتى بيقولوا عليه أنا لذيذه و كل حاجه و دمى خفيف... بس الحقيقه إن أنا مش شكلى حلو...مش شكلى حلو خالص...أنا عارفه انى طول عمرى و وزنى زايد...بس التخن ده بجد مش قادره استحمله خلاص...و كتير اوى جربت رجيمات مختلفه و ما فيش فايده...و بعدين بشرتى للأسف سمره و ده ماليش دخل فيه اظن يعنى...و كمان عندى كده حبوب بتطلع فى وشى فى الحر و حولين البندانه بتاعت الحجاب...و الحجاب مخللى وشى مدور اكتر من اللازم...الحمد لله انى عالجت مشكله النظاره...بس ما فيش حد مهتم بيه... و صاحبتى ما شاء الله جميله و حلوه و كذا واحد اتقدملها... أنا مش بحسدها و لا حاجه...بس أنا اكتشفت حاجه...اكتشفت إن فى الزمن اللى احنا عايشين فيه حاليا المظهر فعلا بقى اهم حاجه...انا فاكره لما كنت بتقدم للوظيفه اللى قبل اللى انا فيها دالوقتى الراجل اللى كان بيعمل لى الانترفيو قال لى انى لازم اقلل من وزنى شويه و بعدين ابقى اجى اقدم السيفى بتاعى... انا بتهيألى انه كان نفسه يقول لى انتى شكلك وحش بس كان محرج...فيه بنت تانيه الكواليفيكاشنس بتاعتها اقل منى بكتير و اتقبلت فى الشغل...انا فاكره كمان مره لما كنت فى الكليه و كنت ماشيه مع صحباتى و وقفنا اتكلمنا مع زمايل لينا و بعد ما مشينا سمعت من ورا ضهرى واحد من الولاد بيقول لصاحبه ان البنت اللى لابسه اخضر زى القمر و جسمها حلو فواحد تانى قال...بس البنت المحجبه دى اللى معاها شكلها وحش خالص...ازاى تمشى معاها اساسا...و أنا البنت الوحيده المحجبه اللى كنت ماشيه معاهم...اتجرحت جدا من الكلام ده مع انى عارفه انه حقيقه...أنا بقول الحمد لله على كل شىء و صارحت ماما كتير فى الموضوع ده و هي كانت بتطمنى و بتقول لى انتى الف من يتمناكى...بس الوقتى ماما مابقتش بتقول لى أى حاجه...و أنا حاسه انها خايفه لحسن ما اتجوزش خالص... حبيبتى يا ماما... نفسى افرحها...أنا كتير بقول لنفسى و ايه يعنى لو ما اتجوزتش...أنا الوقتى فى شغل أنا مبسوطه فيه اوى و اقدر احقق بيه احلامى...و كمان انا كنت بفرح لما باخرج مع صحباتى... بس معظمهم اتجوزوا الوقتى...فى مشاعر جوايه كده بتطلع أنا عارفه انها غلط بس مش قادره امسكها... يعنى لما بروح افراح صحباتى باحس كده بألم من جوايه...أنا بحاول انى افرحلهم بس زعلانه اوى من نفسى و من حالى...ساعات باقول لنفسى هوه علشان انا مش شكلى جميل و وزنى زايد حبتين يبقى لازم اتجوز واحد شكله وحش و اصلع و تخين...اهلى ما عندهمش مانع...انا اختى لسه ما خلصتش جامعه بس انا حاسه ان ماما عاوزه تجوزنى بسرعه قبل اختى...مش عارفه بابا الف رحمه و نور عليه كان حايبقى موقفه ايه بالنسبالى...بس أنا متأكده انه كان حيبقى عاوزنى ابقى مبسوطه و سعيده فى حياتى حتى لو ما اتجوزتش...ليه لازم البنت فى بلدنا دى تتجوز...كتير بافكر انى اعيش فى بيت لوحدى و ابقى مستقله بنفسى... بس أنا باحب الاطفال اوى و نفسى يبقى عندى بنوته كده جميله و صغيره...و اديلها الحاجات بتاعتى لما تكبر... انا خايفه اوى لما اكبر و اعيش وحيده زى خالت بابا الله يرحمها... كانوا بيحكولى انها عمرها ما اتجوزت و ماتت وحيده فى المستشفى... حاجه تخوف ان الواحده ما يبقاش عندها اهل و عيله تخاف عليها... و الحاجه اللى أنا بحاول ما فكرش فيها خالص موضوع انى مقدرش اتخيل نفسى اعيش طول حياتى لغايه ما اموت من غير ما اجرب حق شرعى ربنا مديهولنا و هى العلاقه الزوجيه... معقول نهايتى تبقى كده...أنا مقدرش اتجوز واحد ما بحبوش لمجرد انى استر نفسى و اشبع غريزه جوايه بتزيد يوم بعد يوم...انا عارفه ان ربنا سبحانه و تعالى مخليلى الاحسن فى الاخر و انى مش لازم استعجل...بس فى ناس كتير أوى بتتكلم عليه...و بعدين بقيت باحس بضعف و بشوف الشفقه فى عينيهم...و فى حاجه كده حصلت لى من شهرين مش عارفه اعمل فيها ايه...أنا باستغفر ربنا عليها كل يوم بس مش عارفه اعمل للمشكله دى ايه...فى فبراير اللى فات فى واحد جديد اتعين فى المكتب عندنا... هو مؤدب جدا و متدين كمان و شكله ما شاء الله زى القمر...كتير أوى بقعد ابص عليه فى الشغل...أنا عارفه ان ده غلط... و كمان فى اوقات بفبرك مشكله او موقف فى الشغل علشان اروح اتكلم معاه عليها... هو بصراحه ظريف جدا معايه و كل حاجه بس مش اكتر من كده... على فكره ضحكته حلوه اوى... انا عارفه انى باحلم و عارفه ان ده لا يمكن يحدث... لا يمكن طبعا اقول له عن شعورى... أنا لسه ما حكيتش الموضوع ده لماما أو اى حد فى البيت غير اختى... و مره عملت حركه انا ندمانه عليها اوى لما كان عيد ميلاده و روحت لميت فلوس من كل الستاف اللى فى الشغل علشان نجيبله هديه...حسيت انى عملت حاجه مش مظبوطه... هيه مش اول مره نجيب لحد هديه فى الشغل بس زميلتى مره لمحت لى انى مهتمه اوى ليه من الموضوع ده كده...أنا مش عاوزه اتكلم على الموضوع ده خلاص...شكلى كمان بيبقى غبى اوى و أنا بتكلم معاه...بستظرف كتير اوى و بضحك بس ده اللى بيخلينى ما بقاش شكلى مرتبك و انا بكلمه... امبارح بقه كل ده دار فى دماغى و انا فى سبكترا... و لما جابوا لى الاكل كان طعمه مش حلو خالص... كنت طلبه كاليمارى محمر و لقيتهم جايبين لى كاليمارى خاسس خالص... زمان كانوا فى سبكترا بيعملوا الكاليمارى حلو خالص و بيبقى كبير و مقرمش...ما كلتش غير اتنين و شربت بيبسى دايت و بس...ما كنش ليه نفس اكل خالص مع إن المنيمام كان كتير...و بصيت على الاتنين الكبلز و الولد بيسمع خاطبته اغنيه على الموبايل بتاعه... و بصيت على مروه و صحباتها و همه بيتكلموا و بيضحكوا... و يومى انتهى لما لقيت الولد طلب الشيك و مسك ايد خاطبته و بتوع المطعم فتحولهم الباب و فضلت ابص من الازاز و همه ماشيين بره المطعم ... و بس... كفايه كده... مش عارفه اقول ايه كمان
Truthful/painfull universal fact: --------------------------------- beauty is one of the most important quality in men's life partners , sad but true ..
apperanaces do matter in the times we live in, the concept of the perfect beauty/woman/relationship is even potentiated with the everyday commercials .. I don't need a sexy lady to convince me on buying a lolipop , but guess what .. after seeing the commercial I have this compelling urge to go and actually try out the lolipop ..
Our perception of beauty is being distorted everyday by the marketing masterminds, even thou i beleive that beauty is in the eye of the beholder , i think the "beholders" of today are pretty picky !!
مبدئيا انا معرفش خد هنا انا كنت بقلب كده فاتكعبلت في البلوج ده اني واي قريت موضوعك وحبيت ارد ده بعد ازنك طبعا مش هقلك بصي لنفسك على اساس انك كاترين زيتا جونز ولا هقلك غيري من نفسك ولا حقلك جمال الروح والحوارات دي انا بس سمعت مثل قبل كده وعجبني جدا جدا جدا المثل بيقول حب عيبك يحبك لنفرض اني شكلي كده اوكي وات ايفير هو ده انا اقبل نفسي كده والحمد لله على كل حال اتمنى تشيلي الموضوع ده من بالك خالص وميتعبش تفكيرك بعد كده ولو لحظه وربنا يوفقك يا رب :)
الموضوع والاسلوب حلوين جدا. واذا كان الموضوع ده حقيقى ففى رأيى ان صاحبة المشكلة دى اما تكون راضية بشكلها وبالتالى تتأقلم مع نفسها وظروفها بالشكل اللى هى عاليه، أو انها تحس بعدم رضى عن شكلها وهنا لازم تحاول تغير من نفسها، ليه مترحش لدكتور وتتابع نظام دايت كويس ليه متحاولش تلبس بشكل أشيك. الجمال التقليدى مبقاش هو المعيار قد ما ان الواحدة أو الواحد يكون ليه ستايل وأكبر دليل ممثلات هوليود جوليا روبرتس او كيت بلانشيت لا يقارنوا بالممثلات القدام، طبعا بفهم أن البعض هيقول ان الممثلات دول بيتعاملوا مع احسن مصممين وستايلست فى العالم ولكن انا قصدى ان محاولة تغيير المظهر والشكل بايدينا وكل واحدة وذوقها واسلوبها، ولكن ان الواحد يسيب نفسه يتخن ويفضل زعلان انه تخين ومعندوش صبر على الدايت يبقى هيفضل يلف فى حلقة مفرغة مش هتزيده الا كآبة.
وملحوظة ضغيرة موضوع ان الواحدة تبقى فاكرة نفسها حلوة وعندها ثقة زيادة وهى فى حقيقة الامر مش حلوة خالص فى رأيى أمر سلبى، لان ان الواحدة تعيش فى وهم ومملكة هى الى بنياها لنفسها دى حاجة، وان الواحدة تكون عارفة حقيقة مظهرها ومدركاه لكن عندها ثقة فى نفسها مع ذلك ده موضوع تانى. الى عايشين فى وهم حقيقى بيصعبوا عليه .
هاى المدونه جميله وأنتى إسلوبك أروع , بجد أنتى لو كل حاجه فيكى وحشه ماعدا إسلوبك دة فى التعبير عن نفسك , وجرأتك إنك تتكلمى عن مشاعرك كدة لكل الناس , فدة سبب كفيل إن رجاله كتير يحبوكى ويتقدمولك , مش لازم يكونو صلع وتخان , مع إن الصلع والتخان ملهمش ذنب فى الى هما فيه زيك بالظبط , ومش لازم يكونو مطلقين ومعاهم عيال مع إن المشاكل بتحصل رغما عن الكل برضو , كل الى هقدر أقولهولك إن التخن مشكله بتتحل بالريجيم القاسى وبعض العمليات وكمان أدويه الهرمونات , والسمار بيتعالج بكريمات التفتيح ولو إن كتير من الرجاله بيحبو البنات السمرا , أصلا صدقينى الرجاله مش محتاجين كل العناء دة
انا حبيتك من غير مااشوفك شوفي ياستي اعتبريني اخوكي الصغير عندي 20 سنه وهديللك كلمه واحده امي دايما بتقولهالي بص للاقل منك اوعي تبص للاعلي منك هقوللك حاجه كانت بتحصلي من قيمه سنتين ودلوقتي لسه بعاني منها انا في معهد كمبيوتر ومحتاجين في المعهد صور طبعا بقيت اخاف من شكلي او حتي اروح اتصور فكبرت دماغي وقلت مين اللي هيبص لشكلك ياعم نفض وخليها علي الله اللي يبصللك كده ولا كده قول بكره يلقاها في ابنه اوبنته المهم مش بالشكل ولا بالحلاوه والله دي بالاخلاق وحسن السلوك دلوقتي الشباب زهقت من موضه البنات اليومين دول ويوم مالواحد هييجي يتجوز هيدور علي واحده بنت ناس وطيبه واخلاقها كويسه لان هي دي اللي هتربي ولاده وانا شايف من كلامك انك بنت ناس وطيبه ولو فكرتي في اللي بفكري فيه صعب انك تتغيري اما لو شيلتي الفكره دي من دماغك هتلاقي كلامي صح وكلام الاخوه اللي قبلي وعلي فكره انا ليا اخ واخت اصغير مني بسنه واحده بيض وعنيهم خضر اخوات من اب وام واحد بقول ربنا خلقني كده يبقي خلاص لازم ارضي باللي ربنا كتبهولي وده ابتلاء ربنا يبتلي بيه العبد عشان يشوفه هيصبر عليه ولا لاء اتمني ان تكوني فهمتيني لان بجد قصتك دخلت قلبي واتمني انك تتواصلي معايا
if ur story is real,fa ana wa7da ma5toba we ba3od fe spectra we bakol brownie we bamse7 el yo2e3 men 5atebe bas men 2al an kol da ma3na anena so3da,ah bend7ak bas ana lo wasftelek a7na t3bna ad aeh we lesa bentbhdel fe kol 5atoa na3melha we an kan mafesh mashakel bent5ane2 we nawsel anena manenfa3esh le ba3ed ta5ele ba3d 4 years sa3etha al sa3ada ale ante batshofeha we 3'erek beshofha momken tkon wa2tea mesh 3la tool,asm3e kalme lo moshkltek fe el tokn 5ase lo al 7bob 5ode dawa bas ahem 7aga anek t3rafe anak fe 7al a7san men kteer awe,we sad2ene ahem 7aga ra7et el bal we el rada we dol lo 3andek yab2a mesh mohem ae 7aga tanea
عزيزتى كلامك خلانى أحكيلك قصتى اللى محكتهاش لحد الى الان بختصار بس يمكن تلاقى فيها عبره
أنا يا ستى كنت بنت أموره جدا فى العشرين من عمرى لسه يدوبك مخلصه جامعه وفرحانه بالشهاده بتاعتى وكنت مخطوبه لواحد وسيم وفرحانه أن فرحى قرب بعد ما خلصت جامعه علطول المهم رحتى متمتش لا بالشهاده ولا بالخطوبه وربنا ابتلانى بواحد فى الشارع لا أعرفو ولا يعرفنى قرر أنى كافره من نفسو ودلق على وشى مية نار
مش حقولك ايه اللى حصلى بعدها حسيبك تتخيلى حجم الماساه اللى عشتها وطبعا خطيبى سبنى وفقدت عينى الشمال ووشى أتشوه تماما وبعدت عن الناس والدنيا والعالم كلو وانزويت وحيده فى اوضتى والدموع مفرقتنيش ليله وطبعا موضوع انى أتجوز أو أشتغل أو أظهر حتى للناس كان ترف مينفعش لا أفكر فيه ولا أحلم بيه بقيت أدعى ربنا ليل نهار يجعلى مخرج من اللى أنا فيه لحد ما خبط على الباب شخص كان يعرفنى قبل كده من خلال شغلى اثناء الجامعه تخيلى الشخص ده معمروش لمحلى [اى حاجه جه وواسنى وبعد كده طلب ايدى تخيلى طلب ايدى وهو وسيم وغنى وطيب وفيه كل المواصفات طلب ايدى وانا مشوهه وبعين واحده واتجوزت منغير لا فرح ولا يحزنون وسافرت مع جوزى بره عشان يعالجنى وبدت رحلة علاج صعبه وعمليات اصعب عدو الاربعين عمليه كان أخرهم من يومين تلاته والدتى ووالدى ماتو وأنا فى الغربه ولا عندى لا صديق ولا أهل ولا حد معايا الا ربنا وجوزى من بعدو من ساعت ما أتجوزنا وهو بيقولى أنه شيفنى جميله زى أول مره متغيرتش بالعكس الازمه خلتنى أرق وبحس بالام الناس أكتر عارفه وشك التخين ده انا بتمناه دلوقتى ونفسى تكون عنيه وحشه جدا بس موجوده بقولك كده عشان تعرفى نعمت الله عليكى صدقينى الجواز ده نصيب ملوش علاقه بجمال ولا شكل لو كان كده مكنتش اتجوزت فى حياتى
أحمدى ربنا على اصحابك على أهلك اللى أنتى فى وسطيهم على عنيكى اللى شيفه بيهم على كل حاجه ميقدرهاش الا اللى أتحرم منها وساعة ما نصيبك حيجيلك حتتجوزى اللى مكتوبلك
أختي ... ذكرتي أنك لزمتي الاستغفار ، فرجاء لا تتوقفي عنه ، قال صلى الله عليه وسلم :" من لزم الاستغفار جعل الله له من كل هم فرجاً ومن كل ضيق مخرجاً ورزقه من حيث لا يحتسب " ،،،والدعاء كمان ممكن يعمل إللي مش ممكن اي حد يقدر يعمله ، ولكن إذا كان بصدق وإخلاص ... ثقي في الله سبحانه وتعالى ، ومش كتير عليه يحل لك جميع مشاكلك بدعوة مقبولة في آخر الليل ..
ولكن احذري أي محاولة يغريك بها الشيطان ليوهمك بأنك سوف تجدين الحل ، كما ذكرتي مواقفك مع زميلك في العمل
أسأل الله أن يفرج كربك ، وأن يرزقك زوجاً صالحاً عاجلاً غير آجل .. اللهم آمين
هذا قضاء الله وانصحك بالصبر , والجمال مش كل شئ في الدنيا المهم نعيش سعداء ,نستمتع بكل شئ في الحياةفيمايرضي الله ونرمي همومنا بعيدا,بصي حواليك شوفي الدنيا جميلة ازاي وتاملي بديع صنع الله وحتما حيجي يوم يتقدملك فيه واحد ومش مهم شكلك في هذه الحالة
3ala fekra ana tol 3omry ba2ra blogs we kda bas 3omry mafakart arod 3la ay post ... bas lma aret el post beta3ik da... bgd et2srt gamed !
bossy fe3lan 7ebby 3ebek ye7bik ... matakhdish el mawdo3 beta3 el shakl da be 7asaseya ... it's almostly true en el zaman beta3na da zaman el mazaher ... bas msh da ma3nah enek ma7dsh hay7bik 3shan tekhyna aw samra aw shaklik we7esh whatever the reason y3ny ... 3al 3aks.. momken yegy wa7ed yeshofik a7la men ay bent 7elwa tanya ... enty bas lazem teb2y mo2mena be kda we mahma 7asal 7waliki matkhlish da ye7btik ... we isA 2oryb ya setty hategwzy we teb2y as3ad bent kaman ;)
ان شاء الله تلاقي ابن الحلال اللي يستاهلك بس انت ما تسكتيش take an action و انتوا البنات ادرى انتي ممكن تبقي جميلة واقسملك بالله الجمال مش كل حاجة محمد غنيم
you are the reason , you are so lazy , u can be beautiful .... but needs determination ... go to the gym .. run ... read ... go and make social activities , somtimes i feel that all egyptian girlz are so closed minded .. try to change of yourself .. thats the only way
أنتي انسانه رائعه وبأختصار العقل يصدق ما تراه العين وما تسمعه الاذن لذلك بقولك متحترميش حد يبصلك عشان شكلك او متحترميش حد يبصلك اصلا لانه بيبص لوهم " مش كل النجوم في السماء حقيقه " ممكن تكوني بتبصي لنجمه وهي مش موجوده اساسا خلي روحك عاليه وثقتك في نفسك عاليه وقربي لربنا وهتلاقي ابن الحلال جايلك لحد عندك وهيكون قمر كمان xD انا ليا واحد صاحبي مش حلو خالص وقصير ومش مقبول بالنسبه للبنات لكن قال لربنا انا هترك كل المعاصي وكل حاجه وحشه بعملها بس وفقني في بنت الحلال اللي هحبها واجوزها وفعلا بعد سنتين حب بنت وخطبها ولبنت دي كانت جميله بطريقه مش معقوله ومش كده وبس دي كانت مؤمنه جدا بربنا ومخلصه كليتها وبتدرس في معهد اعداد الدعاه وملتزمه ووافقت عليه مع انها مستواها افضل منو بكتير لكن دي اراده ربنا ارجو انك تفهمي كلامي وبالتوفيق تحياتي www.SaEaS.info
بصي كلمه من اخ لاخته انا كشاب اما اجي اقول ياجواز هدور ع وحده بنت حلال اينعم عايزها حلوه و موصفات كدا معينه في دماغي واكيد انتي كمان عايزا شاب حلو و كدا زي ما بتقولي بس انتي في ايدك تغيري من مظهرك لان دي حاجه في ايدك مارسي رياضه وحاولي بقدر الامكان تخسري وزن و بعد ما هتخسري الوزن سيبي كل حاجه واراهنك مليون واحد هيبقي نفسه يتقدم انا اول واحد لان روحك حلوه كمان يعني اتمنالك السعاده
اسلوبك رائع جدا حقيقى عرض ممتع انتى عندك موهبة مش حاسة بيها موهبة الكتابة لان كتير جدا فى نفس ظروفك وكمان مش عارفين يعبرو عن نفسهم * انا مش عارف وصلتى لايه فى حياتك دلوقتى اتجوزتى ولا بقيتى كاتبة ولا قعدتى فى اوضتك تبكى وعزلتى نفسك عن العالم مش عارف بصراحة بس الى اعرفه انك بتملكى موهبة
روحت خروجه مع صاحبتى الانتيم و صحباتها التانيين لسبكترا كافييه...و طول ما همه كانوا عمالين يرغوا كنت ببص على اتنين كبلز حلويين فى الترابيزه اللى ادامنا...شكلهم مخطوبين...و كانوا جايبين براونى اون ايس و هي كانت بتأكله بالمعلقه فى بقه...و لما بقه يتلحوس شكلاته كانت بتمسحها بصباعها و هو بيتضحكلها...مروه صاحبتى كانت كل شويه بتسألنى أنا سرحانه ليه و أقولها ما فيش حاجه...بس كان فى حاجه...حاجات كتير فى الحقيقه...كنت متدمره من جوه...كنت باسأل نفسى كتير... يا ترى ليه أنا طلعت كده...ده أنا قربت على التلاتين سنه و عمر ما ولد كان مهتم يتكلم معايه...اكيد كان فى ولاد بتتكلم معايه بس علشان يسأل عن مواعيد الامتحانات أو السكاشن أو يصور ورق منى...صحباتى بيقولوا عليه أنا لذيذه و كل حاجه و دمى خفيف... بس الحقيقه إن أنا مش شكلى حلو...مش شكلى حلو خالص...أنا عارفه انى طول عمرى و وزنى زايد...بس التخن ده بجد مش قادره استحمله خلاص...و كتير اوى جربت رجيمات مختلفه و ما فيش فايده...و بعدين بشرتى للأسف سمره و ده ماليش دخل فيه اظن يعنى...و كمان عندى كده حبوب بتطلع فى وشى فى الحر و حولين البندانه بتاعت الحجاب...و الحجاب مخللى وشى مدور اكتر من اللازم...الحمد لله انى عالجت مشكله النظاره...بس ما فيش حد مهتم بيه... و صاحبتى ما شاء الله جميله و حلوه و كذا واحد اتقدملها... أنا مش بحسدها و لا حاجه...بس أنا اكتشفت حاجه...اكتشفت إن فى الزمن اللى احنا عايشين فيه حاليا المظهر فعلا بقى اهم حاجه...انا فاكره لما كنت بتقدم للوظيفه اللى قبل اللى انا فيها دالوقتى الراجل اللى كان بيعمل لى الانترفيو قال لى انى لازم اقلل من وزنى شويه و بعدين ابقى اجى اقدم السيفى بتاعى... انا بتهيألى انه كان نفسه يقول لى انتى شكلك وحش بس كان محرج...فيه بنت تانيه الكواليفيكاشنس بتاعتها اقل منى بكتير و اتقبلت فى الشغل...انا فاكره كمان مره لما كنت فى الكليه و كنت ماشيه مع صحباتى و وقفنا اتكلمنا مع زمايل لينا و بعد ما مشينا سمعت من ورا ضهرى واحد من الولاد بيقول لصاحبه ان البنت اللى لابسه اخضر زى القمر و جسمها حلو فواحد تانى قال...بس البنت المحجبه دى اللى معاها شكلها وحش خالص...ازاى تمشى معاها اساسا...و أنا البنت الوحيده المحجبه اللى كنت ماشيه معاهم...اتجرحت جدا من الكلام ده مع انى عارفه انه حقيقه...أنا بقول الحمد لله على كل شىء و صارحت ماما كتير فى الموضوع ده و هي كانت بتطمنى و بتقول لى انتى الف من يتمناكى...بس الوقتى ماما مابقتش بتقول لى أى حاجه...و أنا حاسه انها خايفه لحسن ما اتجوزش خالص... حبيبتى يا ماما... نفسى افرحها...أنا كتير بقول لنفسى و ايه يعنى لو ما اتجوزتش...أنا الوقتى فى شغل أنا مبسوطه فيه اوى و اقدر احقق بيه احلامى...و كمان انا كنت بفرح لما باخرج مع صحباتى... بس معظمهم اتجوزوا الوقتى...فى مشاعر جوايه كده بتطلع أنا عارفه انها غلط بس مش قادره امسكها... يعنى لما بروح افراح صحباتى باحس كده بألم من جوايه...أنا بحاول انى افرحلهم بس زعلانه اوى من نفسى و من حالى...ساعات باقول لنفسى هوه علشان انا مش شكلى جميل و وزنى زايد حبتين يبقى لازم اتجوز واحد شكله وحش و اصلع و تخين...اهلى ما عندهمش مانع...انا اختى لسه ما خلصتش جامعه بس انا حاسه ان ماما عاوزه تجوزنى بسرعه قبل اختى...مش عارفه بابا الف رحمه و نور عليه كان حايبقى موقفه ايه بالنسبالى...بس أنا متأكده انه كان حيبقى عاوزنى ابقى مبسوطه و سعيده فى حياتى حتى لو ما اتجوزتش...ليه لازم البنت فى بلدنا دى تتجوز...كتير بافكر انى اعيش فى بيت لوحدى و ابقى مستقله بنفسى... بس أنا باحب الاطفال اوى و نفسى يبقى عندى بنوته كده جميله و صغيره...و اديلها الحاجات بتاعتى لما تكبر... انا خايفه اوى لما اكبر و اعيش وحيده زى خالت بابا الله يرحمها... كانوا بيحكولى انها عمرها ما اتجوزت و ماتت وحيده فى المستشفى... حاجه تخوف ان الواحده ما يبقاش عندها اهل و عيله تخاف عليها... و الحاجه اللى أنا بحاول ما فكرش فيها خالص موضوع انى مقدرش اتخيل نفسى اعيش طول حياتى لغايه ما اموت من غير ما اجرب حق شرعى ربنا مديهولنا و هى العلاقه الزوجيه... معقول نهايتى تبقى كده...أنا مقدرش اتجوز واحد ما بحبوش لمجرد انى استر نفسى و اشبع غريزه جوايه بتزيد يوم بعد يوم...انا عارفه ان ربنا سبحانه و تعالى مخليلى الاحسن فى الاخر و انى مش لازم استعجل...بس فى ناس كتير أوى بتتكلم عليه...و بعدين بقيت باحس بضعف و بشوف الشفقه فى عينيهم...و فى حاجه كده حصلت لى من شهرين مش عارفه اعمل فيها ايه...أنا باستغفر ربنا عليها كل يوم بس مش عارفه اعمل للمشكله دى ايه...فى فبراير اللى فات فى واحد جديد اتعين فى المكتب عندنا... هو مؤدب جدا و متدين كمان و شكله ما شاء الله زى القمر...كتير أوى بقعد ابص عليه فى الشغل...أنا عارفه ان ده غلط... و كمان فى اوقات بفبرك مشكله او موقف فى الشغل علشان اروح اتكلم معاه عليها... هو بصراحه ظريف جدا معايه و كل حاجه بس مش اكتر من كده... على فكره ضحكته حلوه اوى... انا عارفه انى باحلم و عارفه ان ده لا يمكن يحدث... لا يمكن طبعا اقول له عن شعورى... أنا لسه ما حكيتش الموضوع ده لماما أو اى حد فى البيت غير اختى... و مره عملت حركه انا ندمانه عليها اوى لما كان عيد ميلاده و روحت لميت فلوس من كل الستاف اللى فى الشغل علشان نجيبله هديه...حسيت انى عملت حاجه مش مظبوطه... هيه مش اول مره نجيب لحد هديه فى الشغل بس زميلتى مره لمحت لى انى مهتمه اوى ليه من الموضوع ده كده...أنا مش عاوزه اتكلم على الموضوع ده خلاص...شكلى كمان بيبقى غبى اوى و أنا بتكلم معاه...بستظرف كتير اوى و بضحك بس ده اللى بيخلينى ما بقاش شكلى مرتبك و انا بكلمه... امبارح بقه كل ده دار فى دماغى و انا فى سبكترا... و لما جابوا لى الاكل كان طعمه مش حلو خالص... كنت طلبه كاليمارى محمر و لقيتهم جايبين لى كاليمارى خاسس خالص... زمان كانوا فى سبكترا بيعملوا الكاليمارى حلو خالص و بيبقى كبير و مقرمش...ما كلتش غير اتنين و شربت بيبسى دايت و بس...ما كنش ليه نفس اكل خالص مع إن المنيمام كان كتير...و بصيت على الاتنين الكبلز و الولد بيسمع خاطبته اغنيه على الموبايل بتاعه... و بصيت على مروه و صحباتها و همه بيتكلموا و بيضحكوا... و يومى انتهى لما لقيت الولد طلب الشيك و مسك ايد خاطبته و بتوع المطعم فتحولهم الباب و فضلت ابص من الازاز و همه ماشيين بره المطعم ... و بس... كفايه كده... مش عارفه اقول ايه كمان
29 comments:
قيل قديما ، و ماتحسبوش يا بنات ان الجواز راحة
مؤثره قوي بجد
this can never be written by a man..
walad enta.... its VERY touching!
انا موش عارفه انتى ازاى عايشه بالاحساس ده,ازاى حد بشوف نفسه وحش اوى كده
عارفه-انا موش بهون عليكى ولاحاجه- انا ليه وحده صاحبتى وحشه اوى اوى وتخييييييييينه وشايفاه نفسها بقى كاتيرين زيتا جونز
انا زمان كنت بتغاظ منها اوى وبقول هيه معندهش مرايه تبص على خلقتها
بعدين حد قاللى كلمه حلوه اوى,قالى"يعنى موش كفايه ان ربنا خالقها وحشه مستخسره عليها تشوف نفسها حلوه كمان"
وفعلا بقيت اسيبها تعيش ف الموضوع ده,الموضوع فرق معايا اوى وبقيت متقبلاها وهيه كمان بقت متقبله نفسها لانى مبفتش كل شويه افوقها بكلامى وعاشت حياتها كويس اوى وكتير بيحبوها فعلا وانا اللى مكنتش شايفه ده قبل كده لانى انا اللى كنت مستكتره عليها كده,فبلاش نستكتر حاجه على نفسنا
وبعدين هو الجواز بقى بالحلاوه دلوقتى؟معتقدش خالص
ربنا يسعدك
Truthful/painfull universal fact:
---------------------------------
beauty is one of the most important quality in men's life partners , sad but true ..
apperanaces do matter in the times we live in, the concept of the perfect beauty/woman/relationship is even potentiated with the everyday commercials .. I don't need a sexy lady to convince me on buying a lolipop , but guess what .. after seeing the commercial I have this compelling urge to go and actually try out the lolipop ..
Our perception of beauty is being distorted everyday by the marketing masterminds, even thou i beleive that beauty is in the eye of the beholder , i think the "beholders" of today are pretty picky !!
مبدئيا انا معرفش خد هنا انا كنت بقلب كده فاتكعبلت في البلوج ده
اني واي قريت موضوعك وحبيت ارد
ده بعد ازنك طبعا
مش هقلك بصي لنفسك على اساس انك كاترين زيتا جونز ولا هقلك غيري من نفسك ولا حقلك جمال الروح والحوارات دي
انا بس سمعت مثل قبل كده وعجبني جدا جدا جدا
المثل بيقول حب عيبك يحبك
لنفرض اني شكلي كده اوكي وات ايفير هو ده انا اقبل نفسي كده
والحمد لله على كل حال
اتمنى تشيلي الموضوع ده من بالك خالص وميتعبش تفكيرك بعد كده ولو لحظه
وربنا يوفقك يا رب :)
الموضوع والاسلوب حلوين جدا. واذا كان الموضوع ده حقيقى ففى رأيى ان صاحبة المشكلة دى اما تكون راضية بشكلها وبالتالى تتأقلم مع نفسها وظروفها بالشكل اللى هى عاليه، أو انها تحس بعدم رضى عن شكلها وهنا لازم تحاول تغير من نفسها، ليه مترحش لدكتور وتتابع نظام دايت كويس ليه متحاولش تلبس بشكل أشيك. الجمال التقليدى مبقاش هو المعيار قد ما ان الواحدة أو الواحد يكون ليه ستايل وأكبر دليل ممثلات هوليود جوليا روبرتس او كيت بلانشيت لا يقارنوا بالممثلات القدام، طبعا بفهم أن البعض هيقول ان الممثلات دول بيتعاملوا مع احسن مصممين وستايلست فى العالم ولكن انا قصدى ان محاولة تغيير المظهر والشكل بايدينا وكل واحدة وذوقها واسلوبها، ولكن ان الواحد يسيب نفسه يتخن ويفضل زعلان انه تخين ومعندوش صبر على الدايت يبقى هيفضل يلف فى حلقة مفرغة مش هتزيده الا كآبة.
وملحوظة ضغيرة موضوع ان الواحدة تبقى فاكرة نفسها حلوة وعندها ثقة زيادة وهى فى حقيقة الامر مش حلوة خالص فى رأيى أمر سلبى، لان ان الواحدة تعيش فى وهم ومملكة هى الى بنياها لنفسها دى حاجة، وان الواحدة تكون عارفة حقيقة مظهرها ومدركاه لكن عندها ثقة فى نفسها مع ذلك ده موضوع تانى. الى عايشين فى وهم حقيقى بيصعبوا عليه .
مدونة جميلة للغاية وأول مرة ادخلها
وتحياتى
هاى
المدونه جميله وأنتى إسلوبك أروع , بجد أنتى لو كل حاجه فيكى وحشه ماعدا إسلوبك دة فى التعبير عن نفسك , وجرأتك إنك تتكلمى عن مشاعرك كدة لكل الناس , فدة سبب كفيل إن رجاله كتير يحبوكى ويتقدمولك , مش لازم يكونو صلع وتخان , مع إن الصلع والتخان ملهمش ذنب فى الى هما فيه زيك بالظبط , ومش لازم يكونو مطلقين ومعاهم عيال مع إن المشاكل بتحصل رغما عن الكل برضو , كل الى هقدر أقولهولك إن التخن مشكله بتتحل بالريجيم القاسى وبعض العمليات وكمان أدويه الهرمونات , والسمار بيتعالج بكريمات التفتيح ولو إن كتير من الرجاله بيحبو البنات السمرا , أصلا صدقينى الرجاله مش محتاجين كل العناء دة
تحياتى وياريت نكون أصدقاء .. راسلينى
دة إحساس كتير أوى من البنات، بس عمر ما حد بيعرف يقول الكلام دة أو يعبر عن مشاعره كدة .. للأسف
هيجى الأوان أكيد إن شاء الله :)
sad but true....
:( eh dah !!
enta ezay walad w gayeb el kalam dah
akid da meta7'ed mn 3eyadet doc. nafsany..aw metsagel mn wa7da
begad r these thoughts that comes to the head of gurls... even me sometimes
begad very very touching.. i almost teared :)
انا حبيتك من غير مااشوفك
شوفي ياستي اعتبريني اخوكي الصغير عندي 20 سنه وهديللك كلمه واحده امي دايما بتقولهالي بص للاقل منك اوعي تبص للاعلي منك
هقوللك حاجه كانت بتحصلي من قيمه سنتين ودلوقتي لسه بعاني منها انا في معهد كمبيوتر ومحتاجين في المعهد صور طبعا بقيت اخاف من شكلي او حتي اروح اتصور فكبرت دماغي وقلت مين اللي هيبص لشكلك ياعم نفض وخليها علي الله اللي يبصللك كده ولا كده قول بكره يلقاها في ابنه اوبنته المهم مش بالشكل ولا بالحلاوه والله دي بالاخلاق وحسن السلوك دلوقتي الشباب زهقت من موضه البنات اليومين دول ويوم مالواحد هييجي يتجوز هيدور علي واحده بنت ناس وطيبه واخلاقها كويسه لان هي دي اللي هتربي ولاده وانا شايف من كلامك انك بنت ناس وطيبه ولو فكرتي في اللي بفكري فيه صعب انك تتغيري اما لو شيلتي الفكره دي من دماغك هتلاقي كلامي صح وكلام الاخوه اللي قبلي
وعلي فكره انا ليا اخ واخت اصغير مني بسنه واحده بيض وعنيهم خضر اخوات من اب وام واحد بقول ربنا خلقني كده يبقي خلاص لازم ارضي باللي ربنا كتبهولي وده ابتلاء ربنا يبتلي بيه العبد عشان يشوفه هيصبر عليه ولا لاء
اتمني ان تكوني فهمتيني لان بجد قصتك دخلت قلبي واتمني انك تتواصلي معايا
Gamed A5er 7aga ya walad ;)
if ur story is real,fa ana wa7da ma5toba we ba3od fe spectra we bakol brownie we bamse7 el yo2e3 men 5atebe bas men 2al an kol da ma3na anena so3da,ah bend7ak bas ana lo wasftelek a7na t3bna ad aeh we lesa bentbhdel fe kol 5atoa na3melha we an kan mafesh mashakel bent5ane2 we nawsel anena manenfa3esh le ba3ed ta5ele ba3d 4 years sa3etha al sa3ada ale ante batshofeha we 3'erek beshofha momken tkon wa2tea mesh 3la tool,asm3e kalme lo moshkltek fe el tokn 5ase lo al 7bob 5ode dawa bas ahem 7aga anek t3rafe anak fe 7al a7san men kteer awe,we sad2ene ahem 7aga ra7et el bal we el rada we dol lo 3andek yab2a mesh mohem ae 7aga tanea
عزيزتى كلامك خلانى أحكيلك قصتى اللى محكتهاش لحد الى الان بختصار بس يمكن تلاقى فيها عبره
أنا يا ستى كنت بنت أموره جدا فى العشرين من عمرى لسه يدوبك مخلصه جامعه وفرحانه بالشهاده بتاعتى وكنت مخطوبه لواحد وسيم وفرحانه أن فرحى قرب بعد ما خلصت جامعه علطول المهم رحتى متمتش لا بالشهاده ولا بالخطوبه وربنا ابتلانى بواحد فى الشارع لا أعرفو ولا يعرفنى قرر أنى كافره من نفسو ودلق على وشى مية نار
مش حقولك ايه اللى حصلى بعدها حسيبك تتخيلى حجم الماساه اللى عشتها وطبعا خطيبى سبنى وفقدت عينى الشمال ووشى أتشوه تماما وبعدت عن الناس والدنيا والعالم كلو وانزويت وحيده فى اوضتى والدموع مفرقتنيش ليله وطبعا موضوع انى أتجوز أو أشتغل أو أظهر حتى للناس كان ترف مينفعش لا أفكر فيه ولا أحلم بيه بقيت أدعى ربنا ليل نهار يجعلى مخرج من اللى أنا فيه
لحد ما خبط على الباب شخص كان يعرفنى قبل كده من خلال شغلى اثناء الجامعه تخيلى الشخص ده معمروش لمحلى [اى حاجه جه وواسنى وبعد كده طلب ايدى تخيلى طلب ايدى وهو وسيم وغنى وطيب وفيه كل المواصفات طلب ايدى وانا مشوهه وبعين واحده واتجوزت منغير لا فرح ولا يحزنون وسافرت مع جوزى بره عشان يعالجنى وبدت رحلة علاج صعبه وعمليات اصعب عدو الاربعين عمليه كان أخرهم من يومين تلاته والدتى ووالدى ماتو وأنا فى الغربه ولا عندى لا صديق ولا أهل ولا حد معايا الا ربنا وجوزى من بعدو من ساعت ما أتجوزنا وهو بيقولى أنه شيفنى جميله زى أول مره متغيرتش بالعكس الازمه خلتنى أرق وبحس بالام الناس أكتر عارفه وشك التخين ده انا بتمناه دلوقتى ونفسى تكون عنيه وحشه جدا بس موجوده بقولك كده عشان تعرفى نعمت الله عليكى صدقينى الجواز ده نصيب ملوش علاقه بجمال ولا شكل لو كان كده مكنتش اتجوزت فى حياتى
أحمدى ربنا على اصحابك على أهلك اللى أنتى فى وسطيهم على عنيكى اللى شيفه بيهم على كل حاجه ميقدرهاش الا اللى أتحرم منها وساعة ما نصيبك حيجيلك حتتجوزى اللى مكتوبلك
بكره لما تقابلى الانسان اللى يستهلك تفتكرى كلامى
مع السلامه وبتمنالك حياه سعيده
أختي ... ذكرتي أنك لزمتي الاستغفار ، فرجاء لا تتوقفي عنه ، قال صلى الله عليه وسلم :" من لزم الاستغفار جعل الله له من كل هم فرجاً ومن كل ضيق مخرجاً ورزقه من حيث لا يحتسب " ،،،والدعاء كمان ممكن يعمل إللي مش ممكن اي حد يقدر يعمله ، ولكن إذا كان بصدق وإخلاص ... ثقي في الله سبحانه وتعالى ، ومش كتير عليه يحل لك جميع مشاكلك بدعوة مقبولة في آخر الليل ..
ولكن احذري أي محاولة يغريك بها الشيطان ليوهمك بأنك سوف تجدين الحل ، كما ذكرتي مواقفك مع زميلك في العمل
أسأل الله أن يفرج كربك ، وأن يرزقك زوجاً صالحاً عاجلاً غير آجل .. اللهم آمين
وأسجل إعجابي واستغرابي لمدى جرأتك في طرح مشكلتك
هذا قضاء الله وانصحك بالصبر , والجمال مش كل شئ في الدنيا المهم
نعيش سعداء ,نستمتع بكل شئ في الحياةفيمايرضي الله ونرمي همومنا بعيدا,بصي حواليك شوفي الدنيا جميلة ازاي وتاملي
بديع صنع الله
وحتما حيجي يوم يتقدملك فيه واحد
ومش مهم شكلك في هذه الحالة
3ala fekra ana tol 3omry ba2ra blogs we kda bas 3omry mafakart arod 3la ay post ... bas lma aret el post beta3ik da... bgd et2srt gamed !
bossy fe3lan 7ebby 3ebek ye7bik ... matakhdish el mawdo3 beta3 el shakl da be 7asaseya ... it's almostly true en el zaman beta3na da zaman el mazaher ... bas msh da ma3nah enek ma7dsh hay7bik 3shan tekhyna aw samra aw shaklik we7esh whatever the reason y3ny ... 3al 3aks.. momken yegy wa7ed yeshofik a7la men ay bent 7elwa tanya ... enty bas lazem teb2y mo2mena be kda we mahma 7asal 7waliki matkhlish da ye7btik ... we isA 2oryb ya setty hategwzy we teb2y as3ad bent kaman ;)
اوكى انا اتجوزكsolimanosman@gmail.com
ان شاء الله تلاقي ابن الحلال اللي يستاهلك
بس انت ما تسكتيش
take an action
و انتوا البنات ادرى انتي ممكن تبقي جميلة واقسملك بالله الجمال مش كل حاجة
محمد غنيم
هههه.. البلوج بتاعتك جميلة
وانت كتاباتك رائعة..سواء بالعربى او انجليش..
بس ايه الردود الغريبة دى :D
you are the reason , you are so lazy , u can be beautiful .... but needs determination ... go to the gym .. run ... read ... go and make social activities , somtimes i feel that all egyptian girlz are so closed minded .. try to change of yourself .. thats the only way
أنتي انسانه رائعه وبأختصار العقل يصدق ما تراه العين وما تسمعه الاذن لذلك بقولك متحترميش حد يبصلك عشان شكلك او متحترميش حد يبصلك اصلا لانه بيبص لوهم " مش كل النجوم في السماء حقيقه " ممكن تكوني بتبصي لنجمه وهي مش موجوده اساسا خلي روحك عاليه وثقتك في نفسك عاليه وقربي لربنا وهتلاقي ابن الحلال جايلك لحد عندك وهيكون قمر كمان
xD
انا ليا واحد صاحبي مش حلو خالص وقصير ومش مقبول بالنسبه للبنات لكن قال لربنا انا هترك كل المعاصي وكل حاجه وحشه بعملها بس وفقني في بنت الحلال اللي هحبها واجوزها
وفعلا
بعد سنتين حب بنت وخطبها ولبنت دي كانت جميله بطريقه مش معقوله
ومش كده وبس دي كانت مؤمنه جدا بربنا ومخلصه كليتها وبتدرس في معهد اعداد الدعاه
وملتزمه ووافقت عليه مع انها مستواها افضل منو بكتير
لكن دي اراده ربنا
ارجو انك تفهمي كلامي وبالتوفيق
تحياتي
www.SaEaS.info
عندك حق نفس احساسي باضبط شعور مشترك
بصي كلمه من اخ لاخته انا كشاب اما اجي اقول ياجواز هدور ع وحده بنت حلال اينعم عايزها حلوه و موصفات كدا معينه في دماغي واكيد انتي كمان عايزا شاب حلو و كدا زي ما بتقولي بس انتي في ايدك تغيري من مظهرك لان دي حاجه في ايدك مارسي رياضه وحاولي بقدر الامكان تخسري وزن و بعد ما هتخسري الوزن سيبي كل حاجه واراهنك مليون واحد هيبقي نفسه يتقدم انا اول واحد لان روحك حلوه كمان يعني اتمنالك السعاده
ممكن تدخلى هنا
واحده اتاثرت بقصتك اوى ونقلتها عندنا فى المنتدى
ونفسها تتعرف عليكى
وانا سبتلك رد فى الموضوع ياريت
http://forums.fatakat.com/thread1563794
تدخلى وتشوفيه
ياترى اتجوزتى وﻻ لسة ؟؟؟؟؟
اسلوبك رائع جدا حقيقى عرض ممتع انتى عندك موهبة مش حاسة بيها موهبة الكتابة لان كتير جدا فى نفس ظروفك وكمان مش عارفين يعبرو عن نفسهم
* انا مش عارف وصلتى لايه فى حياتك دلوقتى اتجوزتى ولا بقيتى كاتبة ولا قعدتى فى اوضتك تبكى وعزلتى نفسك عن العالم مش عارف بصراحة بس الى اعرفه انك بتملكى موهبة
انتي مريضة بجد انتي ازاي بتقولي علي صاحبتك كده وبدل ما كنتي تعيشيها في الوهم زي مابتقولي كنتي تساعديها وتقوليلها علي حاجات عشان تبقا احلي
Post a Comment