هباب college أول يوم
رجعنا للهبل و العبط تانى...نفسى امسك ميكروفون و اقول للطلبه اللى لسه داخلين ياعينى و مشتاقين للكليه وحايموتوا يدخلوا المدرج و يبتدوا الدراسه و جايين من البيت أو الغيط بأنضف و أغلى و أجدد لبس عندهم... معلش يا طلاب... برضه بيئه... و مبسوطين مووت و الفرحه بتظأتط من عينيهم و من حتت تانيه برضه إن كل ده وهم خيالى ساينس فيكشن يا حبايبى يا شطار...انتم دخلتم الكليه برجليكم و ايديكم...انا طبعا ما كنش لييه نفس اروح اول يوم 
كليه... اصل انا بقالى نص قرن فيها و خللت خلاص بس قلت لما اروح اشوف صحابى و صحباتى عملين ايه... و بالمره اتفرج على الوجوه الجديده ... و من اول ما نزلت من البيت و دخلت الميكرويف ... قصدى الميكروبص ... جالى شلل عالطول ... السكه زحمه و الناس ريحتها مش ولا بد و و الطلبه ملزقه و معرقه و كل بت قال شايلالى مانديل فى ايدها ترطب بيها جبينها... و اول لما نزلت من الكفته بص ... لقيت نفسى فى الجيش... اصل الكليه كانت محاطه بعساكر ماعرفش ليه... كبر ...عادى عادى... و بعدين و انا ماشى فى الكليه لقيت طابور طاااووووييييل معرفش ايه ده ... عامل زى طابور الفراخ بتاعت الجمعيه قبل ما يجيلها فلونزا... صحيح ... اخبار فلونزا الطيور ايه... اكل فرخه و لا ما اكلش... اصل رمضان داخل كل سنه و انا و انت و ماما و بابا طيبيين... خلينا فى موضوعنا... المهم طلع الطابور ده مش اكل للطلاب الغلابه أو بتوع الاقاليم... طلع ان الطلاب حتموت و تدفع المصاريف... قال خلاص مافيش غير النهارده و لازم يدفعوا اللى فى جيوبهم...ده انا دفعت مصاريف ربع قرن فى يوم واحد...ما عندكم الايام الجايه و الرايحه كتير... مش ممكن تغيروا رأيكم و تطلعوا من الكليه... احلى حاجه انى شفت فى الطابور ده اول حالات نرفزه بناتى محجباتى و اول حاله اغماء طلابى من شده الزحام... ربنا يكون فى عون الطلبه و الطالبات ...و مانشوفكمش فى الايام الوحشه دى و كل عام و انتم ... و انتم ... بيخ
No comments:
Post a Comment