عرس اكاديمى

طول عمرى بخاف من الصوريصار… من و أنا عندى تلات سنين و نوص و انا بترعب من الصوريصار… علشان شوفت صاحبى اياميها لما كنا بنلعب لما لقه صوريصار ضخم بشنبات ماشى جنبه فمسكه بايديه و حطه فى بقه و بلعه… راحوا خدوه المستشفى و عملوله غسيل معده و ماشوفتهوش من يوميها تانى… بيقولولى اضرب الصوريصار بالشبشب لما تشوفه… معرفش بخاف منه ليه… اصل شكله بشع… و لونه مقرف اسود كده … و اكتر حاجه بتخوفنى هيه الشنبات اللى بتتحرك يمين و شمال… و رجليه الكتير المعوجه مليانه كده شعيرات صغننه… و لما بجرى منه بلاقيه بيجرى بسرعه البرق زى المجنون ورايا معرفش ليه… حتى مره لما كنت برمى عليه من و انا فوق السرير بطلقات فليت و يتقلب على ضهره… الاقيه هب تانى و قام يجرى يدور عليه تانى… و آه…آه من الصوريصار ابو جناحات... ده بقه هوه الدمار الشامل... لو بس شوفته من بعيد... بلاش فضايح احسن... بس الحمد لله البارح و انا بفتح جرنال الاخبار بتاع السبت لقيت الاعلان التحفه ده اللى حيحللى كل مشاكلى...انا اول لما اريت الاعلان صدرى انشرح و اعصابى هديت و بالى ارتاح معرفش ليه ارتحتلهم من اول لما عينى وقعت على الاعلان...لقيت فيهم بوج بوستيرس اللى بدور عليه من زمان... اخيرا ناس بجد تنقذنى فى أى وقت... والاعلان كده فى حاجه مبشره

اكاديمية جنيف المعتمدة
دعوة لصيف خالى من الحشرات
الأن بعد النجاح الكبير فى أوروبا
أقوى عروض الصيف فى مصر و الشرق الأوسط
خبراء فى إبادة جميع أنواع الحشرات و القوارض
البديل الصحى للرش و مشاكلة و أضراره
لا داعى لترك المنزل أو الخوف على الأطفال و أرفع الطعام و نقل الأشياء
مواد من الطبيعة غير سامة و ليست لها أى تأثيرات جانبية
إبادة جميع انواع الحشرات الزاحفة و الطائرة
صراصير – نمل – بق – فئران – عرس – ناموس – ذباب – أبراص
بضمان الأكاديمية مع المتابعه الدورية
كل هذا العرض بجانب النظافة الشاملة
...
كل هذا من خلال مهندسين متخصصين
...
أتصل الأن لنصلك اينما كنت بالأجهزة اللازمة
خدمة 24 ساعة