Coitus Interruptus

هوه الحل
هو انتم حتألفوا على مزاجكم
ايوه... البلد حتتصلح لو مشناها بالشريعة...العدل و المساواه... خد عندك ... لو الاستاذ عمرو قدم نفسه مثلا ... معظم الناس حتختاره... عارف ليه ... لأنهم عاوزين الخير للبلد

انتم متهيألكم بس... ده عمره ما حيحصل... و على فكره ده كله مش فى صالحكم

قوللى حتعملوا ايه فى المسيحيين ، طب واحد خرج عن الدين... حتموتوه ؟ ... واحد سرق... حتقطعوا ايده؟... واحده ماشيه كت أو مينى جيب فى الشارع حت

استغفر الله...اهى كل المعاصى بسببكم... يعنى انتم شايفين الحال الوقتى احسن... سايبين اللى يسرق يسرق و اللى يقتل يقتل و اللى يزنى يزنى...مبسوطين بالظلم اللى موجود... مش خايفين من الله سبحانه و تعالى
مين قال كده... كل مجرم بيتعاقب
اهو كلام و خلاص... ده الفساد انتشر فى الارض... و محدش بياخد حقه... طب جربوا بس و شوفوا الوضع حيتصلح ازاى...احنا بنحترم كل الاتجاهات
حتى الفن...هوه انتم حتسيبوا فى الفن والا فى اى حاجه حاجه

هوه انتم فاكرين انكم لما تحبسونا حتعملوا حاجه...احنا بنقدم خدمات كتيره للشعب و بنساعده من كل النواحى... قوللى انتم بتعملوا ايه فى الشعب... الشعب هوه اللى عاوزنا... و حتشوفوا ازاى الدنيا حتتصلح بعد كده

modified 8x