انتم ليه مش فاهميننى
طب انا الوقتى بقالى اكتر من عشرين سنه بصحى كل يوم الاقى الفطار الأى وان جاهز و بعدين ابص بصه خاطفه على عناوين الجرايد بتاعتى اشوف كل حاجه تمام زى ما قولت ولا لأ و بعدين ابص برضه بس بصه سريعه بقه مش خاطفه على الدوسيهات بتاعت المزرعه و بعدين طبعا ادى قراراتى زائد تعليماتى المهمه جدا جدا جدا علشان المزرعه و الحيوانات اللى فيها تبقى تمام تمام و بعدين اشوفلى حاجه كده اعملها الضهر و بعدين اتغدى اكل برضه أى وان بس بلوس حلو فرست كلاس و بعدين اتفرج طبعا على تلفزيونى و قنواتى المش متخصصه و بعدين يمكن اعمل حاجه كده ولا كده بالليل و بعدين انام بدرى مرتاح...و بعدين يا جماعه انا انسان طيب...و كل الناس اللى حوليه بتقول كده...ازاى بقه ابقى مش مبسوط...طبعا لازم ابقى مبسوط...و بعدين محدش بيعرف يمشى المزرعه زيى...أله...هو انتم ليه مش فاهميننى...متفهمه بقه
3 comments:
أصل احنا عايشين ف المزرعة.. مش ف بيت حضرتك
طب قول الكلام ده بس لصاحب المزرعه و شوف ايه اللى حايحصل لك
مانا قولتهولك اهو.. هيا مش مزرعتك دى؟
Post a Comment